官方提及嘅改動

<特別改動>

1. 前面網格增設一個黑色膠勾，可扣上鎖匙，概念同 naked band 黃色膠勾相似。

有膠勾可以扣鎖匙

2. 前面左右兩邊嘅網格外都分別加咗布圈，可以自由添加附送嘅橡筋繩掛上號碼布。

用附送嘅橡筋繩可以掛號碼布

3. 將腰帶 4 個網格重新規劃：

• 前方網格最長
• 兩側網格長度一樣
• 後方網格縮短（用作 PhoneLock 電話可穩妥放好）

4. 男女都提供黑色 / 藍色選擇。

<其餘改動>

1. 將以往 signature 嘅反光三角形圖案用上彩虹反光顏色。（只限黑色褲有呢個設計）

2. 腰間網格物料可延性減少，放嘢更加穩定。

3️. 兩邊褲襠物料更有彈性，而且更耐用。

————————————————————

實測後感覺?

✔

1️. <V2 嘅網格規劃非常埋想>??

腰帶網格規劃對一條成功嘅多功能褲非常重要，與其每一格嘅大細都係一樣，我更欣賞呢條第二代 T8 採用新嘅 1 大 2 中 1 小分佈。如果你有用開 naked bands 或者其他多功能褲，你會發現 John 同埋佢嘅團隊嚮條褲嘅細心位。?

• 前方大格：放所有「雜物」例如食物/mandatory gears
• 兩側中格：各放一支 500mL 水?
• 後方細格：放電話（網格可以放 iPhone11 相類近嘅窄身電話，啱啱好完全包住）?

一場 50 公里需要嘅裝備，呢條 V2 都絕對可以裝到，仲要放得好唔係亂咁放曬入去就算。如果平時跑夜晚短課，前面大格仲可以放一支 600mL 水。（eg. INSTINCT 軟樽）而側格放 500mL 水就要有啲技巧，要先插出水口入網格先再放個樽入去。

V2 可以放幾多野 

Full loaded 後嘅狀況

2️. <黑色褲獨有嘅反光 Rainbow 色>?

V2 藍色/黑色各有特點，之前出過一條非賣嘅藍色引來唔少人嘅迴響，但今次黑色嘅反光 Rainbow 色 logo 低調中帶嚟特別，兩隻顏色都相信有各自嘅粉絲。

黑色版本用上全新反光 Rainbow 顏色嘅 logo 

3️. <褲嘅長度>?

有唔少人話 T8 男裝款太長，我就反而覺得係 Perfect?。將條褲平放嘅時候睇的確會覺得長，但係當你着咗上身再放埋水同埋其他嘢，你就會覺得點解好似啱啱好；原因係呢啲多功能褲嘅網格其實係連住條面褲。當你放咗野之後，網格會稍為拉上左條面褲，所以多功能褲係唔可以做得太短。??‍♂️                                      
4. <掛 bib 附送嘅橡筋帶>

坊間可以掛 bib 嘅 Belt 唔多，V2 更加係第一條多功能褲可以掛埋號碼布。如果你有用過 naked band / Compressport Belt 的話，掛號碼布嗰個位有個膠塞，相信十個有九個人已經唔見咗嗰兩舊膠。?

所以 V2 嘅好處就係用兩條橡筋繩已經可以掛住塊號碼布，而橡筋繩頂端嘅膠頭可以好穩妥咁 Lock 住嚟掛號碼布，唔會出現 naked band 跌咗粒膠頭嘅問題。

隨褲附送 2 條橡筋繩，用嚟掛號碼布

?但係緊記條橡筋繩記得打個死結，如果唔係你好快會唔見咗。

5. <有褲頭帶>

個人覺得一條需要負重嘅褲係必須要有褲頭帶，因為條褲嘅碼數分唔到好似 naked band 咁仔細，所以褲頭帶可以將褲頭束緊，減少負重之後條褲嘅郁動，而呢一點 T8 一直都做到。

6. <唔連內膽>

呢個設計係非常聰明，當然 T8 另外加錢買嘅內膽出曬名好著到不得了，價錢仲要好抵著，要買通常都係 Sherpa + Commandos 齊買。

7. <性價比太高>

V2 原價只係比 V1 貴 $10 … 實在太誇張，而且大部分舖頭基本都有 8-9 折，一條咁高質素嘅多功能褲只係賣緊四百蚊鬆啲，絕對係物超所值。?

❌（純粹個人 Preference）

1. <後格可以加拉鍊>

收集咗好多身邊朋友嘅意見，大多數都覺得條褲其實如果有一個拉鍊格會比較好，可以用嚟放八達通 / 零錢，感覺會安全少少，但實際操作係比較難。因為加條拉鍊其實成本就會高咗，成本最後變相都係轉嫁返落客人身上。

2. <前格可以整深少少>

V2 網格經過重新排位之後，其實兩側同埋後邊 3 個格已經定型係用嚟放水同埋電話，所以其餘雜物都係放喺前格，如果前格可以深少少的話就可以再放多啲嘢。

後格放電話 

前格可放唔少雜物同食物，左右兩側可以各放一支 500mL水

如果走短課，其實前格嘅長度足以放 600mL 水樽 

總結：

呢條褲設計上真係接近完美，嚟到 Version 2，最有用嘅功能已經添置返，可以挑剔嘅位置確實唔多。

————————————————

補充一點，T8 嘅Size Chart 準確度都好高。如果大家冇辦法去舖頭試的話，其實都可以根據 Size Chart 照買。以我自己 28 寸腰為例，正常跟 Size Chart 係買 XS，但係 XS 係 26-28 寸。我想有少少鬆動，所以揀咗 S 碼。如果大家情況同我一樣，都係每個 Size 嘅 upper limit，其實可以考慮買大一個碼。

<碼數參考>

詳細資料?

重量：

腰間隔數：4 個

提供顏色：黑 / 藍 

褲頭帶：有

掛號碼布：可以

鎖匙勾：有

放 pole： 唔可以

放水：可以

建議零售價：$498

• 底褲冇變，淨係面褲改良咗。
• 唔係每間舖頭都齊碼，記得打去問下先。

資料來源：裝備評家 Tony